Nënkryetari demokrati Kuvendit, Edi Paloka, ka ironizuar përmes një postimi në rrjetet sociale, fjalën e kryeministrit Edi Rama në Asamblenë e Përgjithshme të OKB-së.
Ndërsa e cilëson Ramën “liderin global”, Paloka shkruan se gjatë fjalës së tij, në salla gjigande “e mbushur plot” nga pesë antarë të delegacionit shqiptar, një përfaqësues i delegacionit të Zanzibarit dhe sekretarja e delegacionit të Surinamit.
“Pasi i shtriu dhe një herë dorën e tolerancës Presidentin Trump madje i dha atij mundësinë edhe për një foto me të ( në fund të fundit të madhit e të fortit i takon të tregohet tolerant e lideri ynë i ka të dyja) sot lideri global vendosi një standart tjetër të ri ( dhe sigurisht historik) me fjalimin e tij “fantastik” siç do thonte shitësi i fiqve.
Ndërkaq ne të vdekshmit kemi ende detyrat tona sidomos të zbulojme se sa hapa larg ishte Jemini nga Mezini që nuk i dilte pastër zëri në përgjim…”, shkruan Paloka. /tesheshi.com/
