Rama luan basketboll me Kosovën, Basha trehapësh me akuza: prite koshin më 25 qershor!

Është përuruar në Tiranë Parku Olimpik, një kompleks sportiv te ish-kompeksi Dinamo, një premtim i Ramës para katër vitesh, që i ra për ta jetësuar Erion Velisë si kryebashkiak. Kjo është shoqëruar nga një përballje simbolike mes  një përfaqsuese veteranësh shqiptarë të basketbollit (mes tyre dhe Rama si “ish” i Dinamos) dhe një nga Kosova.

Dhe atë ccfarë ndodhi në fushë, me kosha nga dy palët, kreu demokrat Basha e shfrytëzoi dhjetra kilometra më tutje, gjatë një tubimi në Cërrik.

“E patë sot Edi Ramën duke luajtur basketboll. Ka një javë e gjysëm që e thërras të vijë në debat dhe të japë llogari.Ku i ka 300 mijë vendet e punës, shëndetësinë falas, taksat e ulëta, uljen e çmimit të energjisë, pensionin e 13, mbështetjen financiare për fermerët? Asnjë përgjigje. Karikatura, barcaleta, çitjane, tuta, basketboll, futboll, por asnjë përgjigje. Përgjigjen nuk ma ka borxh vetëm mua, por qytetarëve. Nuk mund t’i ikësh kësaj përgjigje me basketboll dhe futboll Edi Rama. Ja ku është Cërriku, a ka pasur një vend pune të hapur në këto katër vite? Këto janë koshat që i ke bërë popullit tënd.Basketbolli që t’i luan luhet në kurriz të njerëzve të thjeshtë të këtij vendi”, tha Basha. Sipas tij, më 25 qershor populli do i bëjë kosh Ramës me votë. /tesheshi.com/