Në përpjekjen e tij për t’u bërë lider i të gjithë shqiptarëve, kryeministri Rama ka përgatitur një letër këshilluese që do t’jua dorëzojë të enjten lidërve të partive shqiptare në Maqedoni.
Siç bëhet me dije, letra përmban këshilla shumëplanëshe për këtë moment delikat që po kalon politika e fqinjit në këtë situatë paszgjedhore, veçanërisht ajo shqiptare. Rama, por jo në emrin e tij personal port ë qeverisë shqiptare, u kërkon atyre që të ushtrojnë presion, por në sensin pozitiv të fjalës, për të garantuar respektimin e të drejtave të popullsisë shqiptare në Maqedoni.
Gjithashtu, ata këshillohet nga qeveria e shtetit amë, dhe se si duhet të veprojnë në procesin e formimit të qeverisë së re.
Ditë më parë, Rama priti përfaqsuesit kryesor të partive politike në Maqedoni, përveç Menduh Thaçit që ka dhënë dorëhqjen nga PDSH-ja.
Kjo letër e Ramës për ta vjen në një moment kur vërtet partitë shqiptare kanë rolin historik që të diktojnë kushte karshi politikës maqedonase, pasi rezultatet e votimeve i kanë kthyer në faktor përcaktues. Nga ana tjetër, kjo letër përbën një tentativë të Ramës për të qenë faktor në shumë zhvillime rajonale që kanë në qendër shqiptarët. Kjo prirje e tij i kushtoi muaj më parë dhe një hatërmbetje nga një pjesë e elitës kosovare, e cila i pa me xhelozi deklarimet e Ramës mbi Kosovën në takimin me Vuçiçin në Beograd. /tesheshi.com/
