Kryeministri Rama i ka përcjellë një letër presidentit bjellorus Aleksandër Lukashenko, duke i kërkuar atij një takim dhe një bisedë në Minsk.
“Si kryetarët e tanishëm dhe të ardhshëm në detyrë të Organizatës për Sigurinë dhe Bashkëpunimin në Evropë, ne jemi duke ndjekur nga afër dhe me shqetësim zhvillimet në Bjellorusi.
Në këtë drejtim, ne do të dëshironim të përsërisim ofertën tonë për të vizituar Bjellorusinë, për të dëgjuar pikëpamjet në lidhje me situatën dhe për të pasur një diskutim mbi sfidat aktuale në vend.
Bjellorusia është një shtet i rëndësishëm pjesëmarrës i organizatës sonë dhe jemi të gatshëm ta zgjerojmë mbështetjen për të”, thuhet në letër.
Kujtojmë se Rama ka marrë një “mbështetetje të fuqishme nga i gjithë faktori ndërkombëtar, përjashto Rusinë, për të negocoiuar krizën e ish-republikës sovjetike.
Por Moska nuk është dakort dhe në një bisedë mes Ramës dhe Lavrovit ditë më parë, ky i fundit tha se Bjellorusia duhet ta zgjidhë vetë krizën e saj.
Palët diskutuan mbi situatën në Bjellorusi në kontekstin e propozimeve të Kryesisë Shqiptare të OSBE-së për të kontribuuar në zhvillimin e dialogut midis autoriteteve dhe opozitës.
Ministri Lavrov vuri në dukje se është e nevojshme që bjellorusët të lejohen të zgjidhin vetë punët e tyre, të mos ketë ndërhyrje në dialogun midis autoriteteve dhe shoqërisë dhe t`u mos u imponohet shtetasve bjellorusë asgjë nga jashtë, në mënyrë që të shmanget përvoja e trishtë e “ndërmjetësimit evropian” në Ukrainë në shkurt 2014”, u tha në një deklaratë të ambasadës ruse në Tiranë. /tesheshi.com/
