Kryeministri Rama mblodhi një grup mësuesish në ambientin qeveritar, për t’u dhënë direktivën e furnzimit të çdo nxënësi me libra, për herë të parë falas, e vlefshme kjo vetëm për ciklin e ulët
“Është shumë e rëndësishme që gjithë komuniteti i arsimit që nga MAS, Drejtoritë Arsimore që edhe ato do të hyjnë në një fazë reformimi, tek drejtoritë e shkollave dhe tek mësuesit, të bëjmë detyrën për t’i dhënë në kohë të gjithë librat falas për fëmijët. Ka qenë proces jo i lehtë deri dje sepse kompensoheshin dhe kjo krijonte burokracira. Sot nuk ka asnjë lloj pengese. E njëjta gjë vlen dhe për fëmijët në kategori të tjera. Pakot me libra duhet tu shkojnë fëmijëve dhe prindërve në dorë para fillimit të vitit të ri shkollor. Nuk është aspak e këndshme qoftë edhe një familje sikur të mbetet pa marrë libra”, tha shefi i qeverisë.
Në gjykimin e tij, sot është krejt tjetër realitet lidhur me tesktet shkollore, si për furnizim e si për cilësi.
“Marrja e librave të shkollës deri dje ishte një stres i vërtetë nga pikëpamja financiare por edhe nga pikëpamja e atyre që merrnin, mall skarco. Mall nga gabi i injorancës dhe korrupsionit. 1300 e kusur tekste nga të cilat 600 janë refuzuar nga mësuesit. Sot mbyllim ciklin e nisur nga ministrja për zëvendësimin e librave skarco me libra të Kembrixhit, Oksfordit, libra me cilësi të padiskutueshme. Janë këto libra që sot jepen falas nga klasa e parë deri në të katërtën”, shtoi Rama. /tesheshi.com/
