Në ditën e tij të dytë të vizitës në Shqipëri, Princin e Arabisë Saudite, Sultan bin Salman Al Saud, është pritur nga kryeministri Edi Rama në ambjentet e kryeministrisë.
Siç njoftohet, mes të dyve është folur për bashkëpunim në turizëm, infrastrukturë dhe trashëgimi kulturore, ku zyrtari i lartë arab thuhet se ka shprehur interes.
Dhe kjo ka bërë që shefi i qeverisë shqiptare, t’i kushtojë një një status në faceboook:
“Sot me Princin e Arabisë Saudite Sultan bin Salman Al Saud, i mahnitur nga bukuria e Shqipërisë dhe i interesuar për bashkëpunimin në infrastrukturë, turizëm dhe ruajtjen e trashëgimisë tonë kulturore”.
Siç nuhatet, edhe vetë Rama shfaqet i mahnitur nga mahnitja e mikut arab me Shqipërinë, aq më tepër kur jepen sinjale për investime, ngjashëm siç po ndodh në Beograd, kur po derdhen miliona euro nga Saudia. /tesheshi.com/
