Kryeministri Rama premtoi rritje pagash për arsimtarët, ngjashëm si për mjekët, por duke e kushtëzuar këtë me cilësinë profesionale.
“Po mendojmë për një sistem të vlerësimit të mësuesve që po e analizojmë, dhe, nga viti i ardhshëm shkollor do të jetë gati, ku mësuesit më të mirë do të duhet të vlerësohen financiarisht ndryshe”, thya Rama në një takim të prag të nisjes së vitit të ri shkollor, organizuar me mësueset më të mira në vend.
Rama foli dhe për mësimin në kushte krize pandemike, që tha se do ishte një sfidë e madhe, për mësues e prindër bashkë.
Opsioni i mbylljes së mëtejshëm të shkollave ishte opsion më i keq dhe do të shkaktonte kosto tjetër psikologjike për fëmijët me pasoja që ne nuk i llogarisim dot.
Është një sfidë e tmerrshme që kjo ka. Kur kemi parasysh moshat dhe atyre fëmijëve më të vegjël t’u imponojmë të kundërtën me ato se çfarë i kemi mësuar deri tani që të socializohen me miqtë.
Tani duhet t’u themi që të mos takohen me njëri-tjetrin. Është një sfidë psikologjike për mësuesit vetë. Nuk është një eksperiment javor. Është një mënyrë e re e të komunikuarit në shkolla. Janë mësuesit që duhet ta implementojnë vetë këtë. Duhet që ata vetë mos t’i shkelin rregullat e higjienës dhe distancimit social”, theksoi i pari i qeverisë. /tesheshi.com/
