Rama e ka nisur me një befasi fjalimin e tij në Asamblenë e Përgjithshme të të PS-së. Pasi morri fjalën e tij pas ministrave të cilët ofruar tregues suksesi, Rama i përgënjeshtroi në një mënyrë origjinale ata, duke dalë dhe kundër vetes.
“Duket sikur gjërat janë mirë, por nuk është ashtu”, tha Rama, duke shtuar se “njerëzit nuk hanë shifra dhe nuk shtrojnë statistika në tavolinë”. E thënë kjo pra nga njeriu që qeverisjen e vet e mbron me kartën e treguesve shifrorë.
Më pas ai u ndal tek opozita, duke thënë se ajo “nuk është opozitë por një gërdi njerëzisht të çoroditur”.
Rama tha se duket sikur kjo situatë, sipas tij pa opozitë, “e bën të lehtë punën, por në fakt e bën të vështirë”.
“Një opozitë që nuk të sfidon në intelekt por në fizik, është hata e madhe”, tha kryeministri. /tesheshi.com/
