Kryeministri Rama dha një konferencë për media në ambientet e areoportit të Rinasit, ku ishtë në pritje të sasisë së radhës së vaksinave Pfizer për Shqipërinë.
Ai cilësi si “qafira” ata që publikuan kontratën me Pfizer-in, pasi sipas tij, abuzuar duke keqintepretuar detaje të saj të shkëputura.
“Unë nuk dua të hyj në këtë debat midis atyre që ankohen për Pfizer dhe vetë kompanisë. Mendoj që përsa na takon ne, Pfizer nuk ka shkelur kontratën me Shqipërinë.
Disa qafira që ishin pjesë e një turpi me publikimin e disa faqeve të kontratës të marra vjedhurazi nga një draft, me në krye të një qafiri dixhital të mirënjohur, vijuan në vazhdën për të helmuar këtë popull”, tha Rama.
“Pfizer lëvron dozat e para që janë 1170 doza. Ndërkohë zotimi i marrë nga Pfizer është se brenda muajit, nuk po jap data se u bë histori ndryshimesh do të vijnë dhe dozat e angazhuara, qoftë 10700 apo të 30 mijë të tjera”, tha shefi i qeverisë.
E vetmja gjë e ndryshuar sipas tij, është ajo se Shqipëria s’mund t’i japë Kosovës vaksina nga të sajat, porse mjekët kosovarë mund të vijnë të vaksinohen në Shqipëri.
“Me vaksinën jashtë kamerave e jashtë syve të publikut, jashtë pasqyrave të komunikimeve të qeverive, është sagë më vete. Është një luftë tregtare politike e jashtëzakonshme. Mua më vjen shumë mirë që ne ja kemi dalë të mos mbetemi në rrethin vicioz ku janë shumë të tjerë.
Nuk e kam harruar që kemi marrë një zotim për të ndihmuar Kosovën, por dua të sqaroj që rregullat tejet strikte dhe kufizimet e forta që kompania Pfizer ka vendosur, siç ka bërë që ne të mbetemi strikt për mbajtjen e origjinës nga erdhën, e bën të pamundur që ne të dhurojmë doza vaksinash. Nuk e bëjnë të pamundur që ne të bëjmë vaksinimin e mjekëve të spitaleve COVID të Prishtinës.
I kam kërkuar ministres së Shëndetësisë për të komunikuar me homologun. Ne jemi të gatshëm të presim 50 bluza të bardha nga Prishtina për të dyja dozat”, tha Rama. /tesheshi.com/
