Kryeministri Rama ka mohuar të ketë problem me politikën amerikane, referuar qëndrimit të editorial të Zërit të Amerikës ndaj tij. Gjatë një fjale në parlament, në replikë me opozitën, Rama tha se përkundrazi, ka një komunikim të rregullt me Shtëpinë e Bardhë. Tej kësaj, ai i drejtoi dhe një pyetje deputetit Berisha, duke thënë nëse e kalonte dot oqeanin për të shkuar pra drejt SHBA, duke aluduar se është shpallur person “non grata” nga administrata amerikane. Të gjitha këto, pasi Berisha përmendi bashkëshorten e tij për pozicionin në Abi Bank.
“Këta thonë këtu e tha Zëri i Amerikës, e tha Amerika. Për të dytën herë VOA bëhet zëdhënës i ‘kazanit’ të Tiranës, e dyta herë për një kohë shumë të shkurtër. Herën e parë e demonstruam me qindra faqe të dokumentuara të gjithë gënjeshtërsinë. Meqë ju e doni me Amerikën, meqë i dini shqiptarët të paditur, sa mund t’i tërhiqni pas vetes duke iu thënë se e ka Amerika, unë i’u them se me SHBA kjo qeveri dhe unë personalisht komunikojmë drejtpërdrejt dhe pas kësaj fjale do të jem i detyruar t’ju lë sepse do të jem në pritje të një komunikimi të drejtpërdrejtë me Shtëpinë e Bardhë dhe dhe varësi të sa do të jem i autorizuar t’ju them, do t’ju informoj.
Saliu këtu e nisi fjalën e tij me Amerikën dhe më bëri mua një pyetje të drejtpërdrejtë për bashkëshorten time.
ABI Bank është një bankë e cila monitorohet drejtpërdrjet nga enti rregullator i bankave në SHBA dhe nëse bashkëshortja ime do të ishte aksionere, të jesh i sigurt që mua nuk do më lejonin të kapërceja oqeanin. Ti Sali e kapërcen dot oqeanin me dasht? Hajde përgjigju.
Ta dhashë përgjigjen e drejtpërdrejt, mu përgjigj drejtpërdrejt. Nëse unë do të isha ai që më përshkruani ju, të jeni i sigurt se s’do ta kapërceja oqeanin dhe jo të komunikoja me Shtëpinë e Bardhë me kërkesë të Shtëpisë së Bardhë”, u shpreh Rama. /tesheshi.com/
