Kryeministri Rama zgjodhi bay pass-in e Vlorës për një konferencë shtypi me Komisionerin për Zgjerim, Oliver Varhely.
Aty, ai u pyet për plazhet bosh në Vlorë, sipas një pretendimi gazetaresk, ardhur nga çmimet e larta.
“Nëse dikush vendos çmim të lartë jashtë logjike dhe pastaj nuk i vjen njeri, ky është një dëm që do ja paguajë vetë vetes, nuk do presi t’ja paguajë shteti, prandaj kemi zgjedhur këtë sistem. Dhe nëse në fund do të kemi këtë konstatim, ky do të jetë një mësim shumë i mirë për të kuptuar se për të qenë konkurrues në një rajon që ka destinacione të tjera shumë të afërta dhe që janë cilësore, ku konkurrenca nuk është një lojë e thjeshtë, duhet menduar mirë përpara se të vihen çmimet,” tha Rama.
Sipas kryeministrit, nëse abuzimet vijojnë, ky sezon do të jetë një mësim për sezonet e ardhshme.
Sa i përket çështje së nxehtë të negociatave, diplomati europian krah tij dhe lajmin e një “lajmi të mirë” javën e ardhshme.
“Jam me shpresë se në ditët e pakta do kemi lajmin e mirë. Dhe në javën e ardhshme do kemi vendimin që kemi kaq kohë që e presim,” u shpreh Varhely
Kryeministri Rama tha se Shqipëria ka bërë gjithçka sa i takon hapjes së negociatave dhe tani pret dritën jeshile, duke theksuar se është në pritje të rezultatit nga parlamenti maqedonas. /tesheshi.com/
