Kryeministri Rama komentoi emrat e debatueshëm të listës së PS-së, duke u ndalr veçanërisht te Xhafa, Bushati dhe Majko.
“Xhafaj nuk ka bërë naze për vendin, por do përballojë sfidën që ka, këto janë fare të thjeshta. Nuk shihen lojtarët nga stadiumi, shihen në nxemje në dhomat e zhveshjes, sa aktivë janë kur s’kanë kamerat, sa janë të gatshëm të sakrifikojnë njëri-tjetrin, sa ia mbajnë krahun njëri-tjetrit, se xhonglera ka plot, por këto nuk sjellin fitore; xhonglerët për vete janë për cirk jo për fushë dhe ata që merren me politikë nuk mund të bëjnë xhonglerin, janë për cirkun mediatik”, arsyetoi Rama
Për Ditmir Bushati, tha se “ai është një nga investimet e mia më të rëndësishme, është njeri që e ndjej njeriun tim, edhe sot nuk dam armiqësi, por shpresoj që ta kap trenin prapë”.
“Pandeli Majko është personi që do të qëndrojë te kufiri. I ka dhënë PS gjithçka”, theksoi kryesocialisti për dy emrat e tjerë.
Sa për mungesën e Sandër Lleshajt në lista, Rama tha se “nuk është sepse nuk ka pasur as kohën dhe as mundësinë që të bëjë më shumë se detyrën e vet si minister”.
Ndërsa duke komentuar listën e PD-së, Rama u shpreh: “Në PD nuk ka asnjë prurje të re përveç Agron Gjekmarkajt. Natyrisht është kontribut i PD-së që largon nga klubet e natës mediatike një personazh turbullues për familjet por nuk besoj se është akt serioz për demokratët e Lezhës”.
Rama komentoi dhe Luljeta Bozon si zgjedhje të tij për listën e Tiranës, duke e vënë atë përballë Berishës. “Qytetarët e Tiranës kanë mundësinë të zgjedhin mes dy pensionistëve, Luljeta Bozos dhe Sali Berishën”. /tesheshi.com/
