Në Kongresin e radhës të PS-së, kreu i saj Rama ka sjellë një emër si modelin më të mirë të deputetit, Vullnet Sinën e Qarkut Vlorë.
“Vullnet Sina është një prej tyre i ka rregull punët e veta. Po pas Vullnetit nuk është i vetmi kurrsesi. Nuk më ka shqetësuar asnjëherë për asgjë personale.
Por më ka shkruar në mesnatë për puën. Një shembull që ka bërë punë, por pa bërë bujë. Po përmend atë pasi është personi që më ka thënë se nuk do të vazhdojë më këtë angazhim”.
Por nga tjetër, Rama ka qenë kritik, ama pa emra, ndaj disa deputetëve për të cilët ka kërkuar ndjesë.
“Dua t’u kërkoj ndjesë për ata deputetë që nuk e kanë përmbushur akoma minimumin jetik për detyrën që paguhen nga taksat e shqiptarëve….U kërkoj ndjesë për ata deputetë që dalin vetëm për të më shoqëruar mua, për ata deputetë që u del zëri vetëm për interesa të tyre…”, tha Rama. /tesheshi.com/
