Kryeministri Rama tha në parlament së nëse Shqipëria nuk do kishte marra masat me kohë, numri i të vdekurve mund të qe dramatik.
“Nëse nuk do kishte masa, ne mund të kishim 18 mijë të vdekur. Nuk ka asnjë argument dhe asnjë arsye mbi baza të qëndrueshme që të mund të hedhë poshtë faktin se sot Shqipëria ia ka dalë fazës së parë të përballjes me këtë armik të padukshëm”, tha Rama.
Sipas tij, Shqipëria do ia dalë dhe nga kjo krizë.
“Ne po e fitojmë betejën në frontin e shëndetësisë, dhe ne do ta fitojmë edhe betejën në frontin e ekonomisë, natyrisht me stres, sakrifica dhe durim, por do t’i fitojmë të dyja betejat”, theksoi shefi i qeverisë.
Rama hodhi poshtë teoritë konspirative, duke aluduar se kanë në shënjestër dhe vetë atë.
“Në kushtet e stresit, e mungesës së durimit apo të vullnetit për t’u informuar drejt nga burime zyrtare, vendase a të huaja, ka hapësirë edhe për teoritë e konstipacionit mbi një komplot të madh botëror për arsye nga më të ndryshmet që fantazia e shfrenuar edhe në kushtet e karantinës i gjen.
Ne jemi këtu, jo vetëm, së bashku me gjithë botën, fatmirësisht në një fatkeqësi ku është përfshirë gjithë bota, se të ishte vetëm këtu kushedi çdo kishim dëgjuar. Edhe vendet më të ditura janë në konfuzion, edhe OBSH është shfaqur më shumë se një herë kontradiktore me vetveten”, tha Rama. /tesheshi.com/
