Në një bashkëbisedim me gazetaët, kryeministri Rama ka rrëfyer ofertat që i ka bërë një ditë më rivalit të tij të drejtpërdrejtë politik, Lulzim Basha, në prani të Presidentit Nishani. Duke u nisur nga pretendimet e opozitës lidhur me zgjedhjet, që ato të jenë në standartet e kërkuara, Rama tha se ka propozuar që nr. 2 i qeverisë të vjen nga opozita.
“Një zëvendës/kryeministër i propozuar nga PD por jo anëtar i PD i cili të vihet në krye të një taskforce për të garantuar mospërfshirjen në proçes në favor të shumicës të gjithë këtyre pjesëve të trupit të shtetit. Ky zv. kryeminister së bashku me një përfaqësues nga SHBA, BE dhe OSBE do të ketë detyrën e monitorimit të plotë të sjelljes së shtetit në fushatë mbi bazën e një rregulloreje të dakordësuar ku do të përcaktohen qartësisht të gjitha pikat detyruese për qeverinë dhe agjencitë shtetërore që nuk duhen shkelur, që nga nafta e automjeteve shtetërore, ku njerëzit që përfshihen në fushatë historikisht kanë përdorur paratë e shtetit për të bërë xhirot nëpër Shqipëri. Asnjë pikë naftë e paguar nga taksapaguesit nuk do të shkojë për fushatë”, sqaroi Rama. Po ashtu, shefi i qeverisë tha se ka ofrouar i postin e zv/ ministrit te Brendshëm si dhe postin e ministrit të Shtetit për Teknologjinë”, poste pra që sipas tij kanë akses drejtpëdrejtë në zgjedhje.
Megjithatë, Rama tha se aksioni politik me çadër i opozitës nuk ka të bëjë me zgjedhjet, por me strategjinë e saj për të bllokuar reformën në drejtësi duke bllokuar procesin bazë të saj, vettingun. Rama theksoi se kjo ka qenë e pritshme për të, por jo deri në pikën sa të bojkotohet parlamenti dhe të shpiket kauza e zgjedhjeve. /tesheshi.com/
