Duke prezantuar Bledi Çuçin si ministër të ri të Rendit, njeriu që do pasojë Sandër Lleshajn e dorëhequr, kryeministri Rama që tejet i ashpër në komentet e tij ndaj protestave që pasuan jetëhumbjen e Klodian Rashës nga plumbat e një efektivi policor.
Për Ramën, pas të miturve dhe adoleshentëve në protestë, qëndrojnë deri dhe frymëzues terrori.
“Unë dua ta nis me fundin, jo me zanafillën për të shkuar më pas edhe të zanafilla. Kur them fundin kam parasysh shpërthimin e një proteste goxha të veçantë në llojin e vet, e cila duhet të na bëjë të gjithëve të reflektojmë përtej faktit fatkeq që përfshirje për herë të parë të historinë si komb e minorenëve, e fëmijëve, për të luftuar brenda vetes, për qëllime të caktuara.
Një fat tejet fatkeq por sidoqoftë domethënëse, jo vetëm për të kuptuar natyrën e agresionit ndaj policisë së shtetit, një agresion i frymëzuar, i nxitur, i organizuar, sistematik për vite por edhe përtej saj.
Për të kuptuar se çfarë ne, e gjithë qeveria dhe shoqëria duhet të bëjmë që kurrë të mos përsëritet një shfaqje e tillë ekstreme, e denjë kur fëmijët janë mish për top për organizata ekstremiste dhe terroriste që nuk ndalen në përdorimin e mjeteve ekstreme”, tha Rama.
Këto komente të të parit të qeverisë shkojnë në sinkron me paralajmërimin amerikan për PD dhe LSI, të cilat mund të shpalleshin si “organizata të dhunshme” gjatë protestave të 2019-ës.
Për Ramën, nuk janë problem protestat por abuzimi me to. Ndërkohë që sipas tij, vetëm qeveria e tij ka qenë e dëgjueshme ndaj protestave dhe reaguese pozitive ndaj tyre.
“Pse protestojnë njerëzit në demokraci?
Siç e ka thënë më mirë se të gjithë të tjerët Churchill: ‘Demokracia nuk është e përsosur. Po të mos llogarisim sistemet e tjera, demokracia është me pak e keqe e formave të njohura deri tani’.
Pra, padrejtësitë janë të pashmangshme edhe në demokraci. Protestat janë edhe të dobishme. Qeveria edhe me e mira në botë nuk është dot e pagabueshme. Dhe as nuk i zgjidh dot të gjitha hallet. Përkundrazi, jam krenar për faktin se në këto 7 vite qeveria e ka dëgjuar zërin e protestuesve dhe ka reflektuar në jo pak raste. Ka ndryshuar qasje dhe qëndrim. Kjo ndoshta nuk është shumë por nuk është pak.
Armët kimike, studentët, pagesa e kuksianëve për Rrugën e Kombit. Që të gjithë mund të kujtojmë: janë konkrete për reagim tonë pozitiv.
Disa thanë se qeveria u tërhoq në rastin e Kukësit se u tremb nga dhuna. Në fakt jo qeveria reflektoi ndaj shqetësimit të drejtë të një komuniteti. Kuptuam se ishin gabim llogaritë tona, jo kuksianët.
Është e rëndësishme që të bëhet gjë e drejtë e jo të ketë të drejtë qeveria. Por jo çdokush që proteston ka të drejtë. Të drejtën e protestët nuk e kemi diskutuar. Por e drejta e protestuesve është objekt diskutimi”, arsyetoi Rama. /tesheshi.com/
