Dialogu i ndërmjetësuar nga Bashkimi Evropian është e vetmja rrugë e drejtë për Kosovën dhe Serbinë, tha nga Tirana Sekretari Amerikan i Shtetit, Antony Blinken,.
“Kur fillova punën në Departamentin e Shtetit, sfida ishte Ballkani, Bosnja dhe Hercegovina dhe më pas Kosova. Ne jemi vërtet njerëz që kemi idenë se nuk mund të kthehemi pas në kohë. Për këtë arsye ne mbështesim të gjitha përpjekjet për përmirësimin e marrëdhënieve të ndërsjella dhe integrimit europian”, tha Blinken gjatë një konference të përbashkët për shtyp me kryeministrin Rama.
Blinken përgëzoi Shqipërinë për atë që tha se ishte roli i vendit në stabilitetin dhe integrimin rajonal.
Rama tha se Kosova nuk duhet të ndërmarrë asnjë hap në dialogun ndërmjet Kosovës dhe Serbisë në të ardhmen pa konsultim paraprak me SHBA-në.
“Asnjë hap përpara në dialog nuk duhet të bëhet pa konsultim dhe koordinim me partnerët amerikanë. Disa vota mund të fitohen me vendime që nuk janë konsultuar me amerikanët, por e ardhmja në asnjë mënyrë”, tha Rama.
Ai shtoi se “pa SHBA-në dhe partnerët e saj, Kosova nuk do të ishte e pavarur”.
“Është mirë që shqiptarët të mos harrojnë se pa SHBA-të nuk do të kishte shtet të pavarur të Kosovës dhe se interesi i SHBA-së në këtë rajon, veçanërisht interesi për mbarëvajtjen e punëve në Shqipëri dhe Kosovë, nuk është i dikujt tjetër interes”, tha Rama. /tesheshi.com/
