Kryeministri Edi Rama, duke ironizuar e duke i quajtur demokratët si “miqtë tanë” u shpreh ditën e sotme në Kuvend se kjo qeveri është ende në këmbë dhe po paraqet sot buxhetin e pestë. Rama kujtoi se PD parashikoi të ardhmen e qeverisë Rama si një skenar grek të ngjashëm me atë të partisë PASOK, por që realisht nuk rezultoi aspak ashtu.
“Miqtë tanë këtu në të djathtë i parashikuan Shqipërisë një skenar grek, fantazuan dhe deflacionin që u mbiu në gjuhë disa kohë që do rezultonte fatale për qeverinë dhe PS që do përfundonte si PASOK. Por ja ku është qeveria dhe ku do të jetë dhe sot një vit për të paraqitur buxhetin e pestë. Por le të qëndrojmë tek buxheti i katërt”, – ishin fjalët e Ramës nga foltorja e Kuvendit.
Duke folur për buxhetin ai u shpreh se jo vetëm rrisin rrogat dhe pensionet, por financojnë reformat. Sipas Ramës, Shqipëria po hyn në trajektoren e një ulje historike të borxhit ekonomik, qeveria po stimulon mirëqeverisjen duke vendosur qytetarin më në qendër se asnjëherë më parë./tesheshi.com/
