Kryeministri Edi Rama inspektoi sot zonën informale Paskuqan-Babrru-Bathore, në vijim të punës për formalizimin e sektorit të energjisë elektrike.
Rama siguroi se investimet e parashikuara deri në vitin 2018 do të transformojnë sektorin e shpërndarjes së energjisë elektrike, nga një sektor i mbijetesës në përfitimi për qytetarët.
“Ne do të bëjmë çmos që jo vetëm për këtë zonë ku transformimi do të jetë rrënjësor dhe ku përfitimi i familjeve do të jetë cilësor, por në gjithë Shqipërinë, gjithsekush ta ndjejë vlerën e investimit që bën, duke paguar energjinë elektrike. Nuk është taksë, nuk është një pagesë që shkon në drejtim të paditur, por është një kontribut financiar që po fuqizon një kompani që e gjetëm në agoni dhe që po mundëson normalizimin e jetës së vendit në këtë sektor strategjik,” u shpreh Kryeministri. /tesheshi.com/
