Vetëm një “no coment” të thatë ka patur kryeministri Rama i pyetur për të komentuar përgjimet e reja të Dosjes 339 me personazh kryebashkiakun e Durrësit, publikuar në Bildi-n gjerman.
Shefi i qeverisë pothuasje e ka injoruar totalisht rishpërthimin e debatit mbi raportin Dako – Avdulaj, duke u fokusuar te pasojat e tërmeteve në Korçës. Ai ishte në një çadër me banorët e mbetur pas strehë, ku dhe premtoi – sipas parimit optimist se çdo e keqe e ka një të mirë – se shtëpitëe tyre do rindërtohen.
“Kjo është një e keqe që do sjellë të mirën e vet, se ne do t’i rindërtojmë të gjitha shtëpitë dhe sigurisht që do jenë edhe më mirë se sa ishin dhe do t’ju kompensojmë me dëmet çfarë ka brenda, që mund të jetë dëmtuar”, tha Rama.
“Kemi bërë atë bilancin e parë të të gjithë dëmeve dhe ndërkohë kemi bërë gati dhe planin e ndërhyrjes, kështu që besoj që shumë shpejt do fillojmë të bëjmë ndërhyrjet në mënyrë që brenda periudhës së verës të kemi zgjidhur të gjithë problematikën dhe e patjetër me fillimin vjeshtës ju të jeni nëpër shtëpi e të mos rrini më jashtë”, shtoi më tej i pari i qeverisë, gjatë një vizitë në Floq të Korçës. /tesheshi.com/
