Kryeministri Edi Rama është shprehur sot nga qyteti i Vlorës se reformat në energji po japin rezultate. Ai ka qenë i pranishëm paraditen e sotme në inaugurimin e nënstacionit elektrik të Babicës, i cili do të furnizojë me energji të gjithë unazën e jugut të vendit.
“Pa kontributin e të gjithë shqiptarëve do të ishte e pamundur që të realizonim këtë vepër apo investime të tjera. Kjo vepër është një nga shprehjet më kuptimplota se reformat janë rruga e vetme për të zhvilluar vendin, janë të dhimbshme, por japin rezultat”, u shpreh Rama.
Sipas kryeministrit, kjo vepër është rezultat i një reforme që na kujton sot çfarë kishim në sytë tanë, jo më larg se dy vite më parë dhe se sa kemi ecur përpara për të çelur rrugën e investime, e cila ishte e bllokuar për shkak të një konflikti të trashëguar nga keqqeverisja dhe keqadministrimi i qeverisë së shkuar. /tesheshi.com/
