Kryeministri Rama ka kujtuar përvjetorin e hyrjes së NATO-s në Kosovë, por duke e shfrytëzuar këtë për t’i përcjellë një tjetër mesazh Kurti, homologut të tij në Prishtinë.
Aty, Rama ia atribuon tjetrit, Kurtit në këtë rast, atë për të cilën ai akuzohet më së shumti nga kritikët e qeverisjes – propagandën.
“Si sot e gati çerek shekulli më parë, hyrja e NATO-s në Kosovë u rikujton të gjithëve, se pa aleatët strategjikë të shqiptarëve, miq të mirë në ditët më të këqija, s’do të kishte as Republikë të Kosovës, as liri e demokraci për shqiptarët në Kosovë! Zoti i bekoftë aleatët tanë!
Prandaj bash sot është dita për të reflektuar thellë e për ta nxjerrë Kosovën nga qorrsokaku ku e ka futur grindja absurde me aleatët! Kosova duhet të dalë patjetër prej qorrsokakut me dialog jo me policë, me ide konkrete jo me propagandë, me miq të mirë jo me keqtrajtim të miqve”, shkruan Rama. /tesheshi.com/
