Pas deklaratës së kryeministrit serb se megjithë vendimin e Gjykatës, kombëtarja e vendit të tij do vijë dhe do fitojë në Tiranë, kreu i qeverisë shqiptare është përgjigjur me një fotografi.
Rama ka ndryshuar foton kryesore të faqes së tij në Facebook, duke postuar një moment të festës së çmendur të tifozëve kuqezinj në vitin 2004 pas fitores me Greqinë në Tiranë, pak muaj pasi grekët ishin shpallur kampionë të Europës.
A është kjo përgjigja e Ramës për Vuçiç?
Më pas ai ka postuar një status ku e informon homologun e tij Vuçiç që ndeshja do të luhet në Shkodër dhe jo në Tiranë. “Dhe që ta dish ndeshja do bëhet në Shkodër, ku je i mirëpritur të jesh i ftuari im i nderit, që t’i duartrokasim së bashku ata që do fitojne”, shkruan Rama.
Statusi tjetër i kryeministrit ishte ky: ”Mik i dashur në Shqiperi do fitojë kush do luajë më mirë futboll atë dite ndaj mos thuaj “Ne do fitojmë” se s’ke asgje në dorë 🙂 /tesheshi.com/
