Kryeminstri Rama propozoi për Xhaminë e Plumbit në Shkodër atë që u ideua për xhaminë e madhe në Tiranë në projektin e studios daneze BIG, e cila do ndërtohej pas Pallatit të Kulturës, në afërsi të ish-gropës në Hajdin Sejdisë, në vendin ku ndodhet ish-Disco Club Albania.
Në gjykimin dhe shijen e të parit të qeverisë, kjo xhami, e cila do rikonstruktohet tërësisht nga turqit, duhet të ketë një kopsht me të gjitha pemët e përmendura në Kur’an.
Ndërsa në projektin danez për xhaminë e madhe të Tiranës, ishte projektuar Lulishtja e Kur’anit, ku veç pemëve të përmendura në Librin e Shenjtë islam, do instaloheshin ajete kuranore në degët e tyre.
Shefi i qeverisë ishte pikërisht te Xhamia e Plumbit, një ndër objektet më unikale të besimit islam në Shqipëri, për të promovuar shndërrimin e tërësishëm të saj në funksion të kthimit të shkëlqimit të dikurshëm.
“Kjo ishte një kërkesë prej kohësh që unë e kisha bërë për të mbështetur rindërtimin e thellë të këtyre xhamive që janë monumente kulture të jashtëzakonshme dhe kjo është një nga ato.
Problematika ka qenë e lidhur me gjithë terrenin dhe tashmë është gjetur zgjidhje, besoj që do të dalë shumë bukur”, theksoi Rama.
Myftiu Muhamed Sytari se “kjo xhami duhet të ishte në vëmendje të të gjithëve pa përjashtim, pas 1990 është xhamia ku ka rinisur rihapja e aktivitetit fetar në Shkodër”. /tesheshi.com/
