Këshilli Ekonomik Kombëtar ka mbajtur pasditen e sotme mbledhjen e radhës nën drejtimin e Kryeministrit Edi Rama. Në fjalën e tij Rama ka marrë në mbrojtje ministrin e Shëndetësisë, Ilir Beqajn dhe koncesionet e dhëna për chek up-in dhe për dializën, për të cilat ai akuzohet nga opozita, duke kritikuar edhe median, e cila sipas tij po sillet si papagall në qëndrimin ndaj këtyre koncesioneve.
Duke folur për koncensionet, Rama tha se janë tërësisht në shërbim të qytetarëve.
“Nuk bën kompania chek up-in, por vë në dispozicion infrastrukturën dhe materialet me të cilat bëhen analizat. Ndaj është zgjedhur kompania që ofron një logjistikë më të plotë për mbulimin e territorit. Le të marrim dializën, 80 paguhej për të, dhe duhet të vinte në Tiranë nga të gjitha rrethet. Por tani po me 80 euro për seancë bëhet i njëjti proces, por falë investimit të partneritetit privat ky shërbim do të bëhet në qendra të ndryshme të shpërndara në gjithë territorin”, tha Rama./tesheshi.com/
