Kryeministri Edi Rama shprehu gadishmërinë për të dialoguar me opozitën për çështjet me interes të përbashkët në funksion të zgjidhjes dhe që i shërbejnë qytetarëve.
“Unë jam gati ta hapim dialogun për çështje të interesit të përbashkët në dobi të popullit. Sa shumë duhet të presim o shumë i nderuari kyretari i PD për ti adresuar këto çështje bashkarisht në një dialog të institucionalizuar mes palëve me ekipet përkatëse”, tha Rama.
Në fjalën e tij, në përfundim të debatiit parlamentar mbi programin e qeverisë, Rama tha se dora e mazhorancës do të vazhdojë të jetë e shtrirë ndaj opozitës, pavarësisht se në fjalimet e deputetëve të saj nuk kishte asnjë dallim nga ato të 4 viteve më parë.
“Por ne do trokasim me durim dhe këmbëngulje në veshët tuaj me shpresë që do zgjoheni dhe do reagoni duke na sfiduar me ide që hapin debat dhe jo me gërhitje me sy hapur që thjesht thyejnë heshtjen duke u kthyer pa i humbur edhe 4 vjet të tjera nga arratija e gjatë në realitetin e jetës reale, ku e keni lënë bosh vendin e alternativës qeverisëse duke mos e refuzuar dorën e shtrirë të bashkëpunimit tonë për cështje që nuk janë të majta dhe të djathta”, tha Rama.
Kryeministri iu përgjigje edhe akuzave se ka blerë vota për votimin e Gramioz Ruçit si kryetar Parlamenti.
“Më akuzuat mua për blerje dhe shitje votash në zgjedhjet për kryetarin e Kuvendit. Nuk çuditem dhe as faj nuk ju vë dot kur ju shoh edhe ju dëgjoj në vazhdën e mohimit të realitetit.
Duket sikur kultura e mohimit të realitetit ju është bërë një sëmundje politikisht e transmetueshme. Simtoma e kësaj sëmundje u shfaq qartë edhe në këtë rast kur protagonistët e republikës së vjetër vunë kunjën që votat u blenë nga krimi. Ndërsa prurjet e republikës së re thanë që votat u vodhën në një grackë që e kishin vetë ata duke lënë bosh vendin e numëruesit.
Ju u ankuat gjithë kohës se nuk gjetët program në programin tonë. Po sikur në fakt ajo që ju nuk gjeni të jetë aty dhe ju të mos keni sytë për ta parë dhe mendjen për ta kuptuar dhe nuk do ta ngrija këtë pikëpyejte”, theksoi Rama
Në përgjigje të kreut të PD-së, Lulzim Basha, i cili deklaroi publikisht se marrëveshja e 18 majit ka vdekur, kryeministri tha se opozita sot mbytet me një pikë ujë.
“Humbët 140 mijë vota në krahasim me 4 vjet më parë. Tani vini këtu, 13 veta mangut nga ç´ishit kur shkuat për zgjedhje me konkluzionin se ne me 60 mijë vota më shumë dhe 9 veta plus qenkemi në panik se na ka braktisur populli. A mund të ma thotë kush si e parashikoni ju dhe si mund ta kuptoni programin tonë kur nuk jeni në gjendje të shikoni këtë fakt kaq të thjeshtë dhe kaq tronditës që e lidhni me tronditjen e euros nga krimi.
Edhe kryetari Basha ishte një kopje e tronditur e udhëheqësit të Republikës së re. Mu duke se kishte më shumë hallin të mundte fantazmat e Astrit Patozit dhe Jozefinës që e akuzojnë nga ato penxheret e Mark Zukembergut, sesa të paraqiste në replikën e tij kartvizitën e opozitës, vizionin alternativ për Shqipërinë.
Ligjërata me playback e çadrës së lirisë ishte tamam si ajo gjella e mbetur nga dreka që ngrohet për tu ngrënë në darkë. Shpresoj që herë a vonë ta mbaroni atë gjellë. Nuk e kuptoj sa i madh paska qenë ai kazan. Mbaroheni dhe kthehuni në debatin real, konkret produktiv”, tha Rama. /tesheshi.com/
