Kryeministri Rama ka shmangur komentet rreth çështjes “Tahiri”, një dënimi të diskutueshëm ndaj tij, duke u mjaftuar të thotë se ajo është çështje e drejtësisë.
“Kjo është një çështje e drejtësisë dhe unë s’kam asgjë për të thënë sepse procesi vazhdon”, tha Rama në një intervistë për TCH.
Por te pyetja e gazetarit Muhamed Veliu,se “a keni ju zoti Kryeministër përgjegjësi morale dhe politike për këtë dënim pasi Saimir Tahiri ishte një prej bashkëpunëtorëve dhe një prej ministrave tuaj më të rëndësishëm?”, Rama ishte pak i gjatë në koment.
“Nga dita e parë deri në ditën e fundit kam qenë dhe mbetem i idesë se çdo përgjegjësi në raport me ligjin e kujtdo qoftë është personale, ndërkohë që përgjegjësia e forcës politike apo e qeverisë është mënyra se si reagon ndaj cilitdo që ka një problem me ligjin. Në këtë aspekt besoj se jemi një shembull i pakonkurrueshëm në historinë e këtyre 30 viteve”, theksoi shefi qeverisë. /tesheshi.com/
