Kryeministri Edi Rama, nga Gjirokastra ku shënoi ditën e Europës, pranoi se historia e politikës së brendshme shqiptare ndodhet në udhëkryq. Sipas tij, ky udhëkryq, duhet të kalohet me njerzillëk.
“Shpresoj shumë që edhe kjo periudhë udhëkryqi në historinë e brendshme të politikës të jetë një periudhë që ta kapërcejmë me njerëzillëk. Sepse cilësia e një demokracie nuk matet me sa shumë njerëzit bien dakord por me sa njerëzisht njerëzit jetojnë mos dakordësinë mes tyre”, tha ai.
Rama shprehu bindjen se shqiptarët do t’ia dalin mbanë, ashtu sikundër në 18 qershor do të japin edhe mesazhin e qartë se “rruga jonë është Europa, se në këtë rrugë zbatimi i reformave që na bëjnë një vend europian është i pashmangshëm dhe nuk mund të shtyhet më tutje në kohë”. /tesheshi.com/
