Qeveria shqiptare ka vendosur sot heqjen e vizave për qytetarët e një sërë shteteve, ndërmjet të cilëve edhe rusët e bjellorusët por jo vetëm.
Vendimi i marrë nga kabineti i drejtuar nga Edi Rama ka vendosur një masë provizore që nis nga 15 maji dhe përfundon më 15 nëntor.
Kjo bëhet me shpresën e rritjes së numrit të turistëve që do të vizitojnë Shqipërinë.
Sipas vendimit të qeverisë, janë disa vende në listë, ku përfshihen edhe disa shtete arabe.
Siç theksohet në vendim:
“Në aneksin nr.3, “Lista e shteteve, shtetasit e të cilave hyjnë pa viza në Republikën e Shqipërisë dhe çfarë dokumenti duhet të paraqesin”, që i bashkëlidhet vendimit nr.513, datë. 13.6.2013, të Këshillit të Ministrave, të ndryshuar, shtohen:
“Arabia Saudite, Katari, Omani, Rusia, Gjeorgjia, Bjellorusia, me dokumentin pasaportë, për periudhën 15 maj -1 nëntor 2016.”.
Kohët e fundit, disa agjenci turistike kanë vizituar Shqipërinë dhe kanë shprehur interesin që një numër turistësh rusë të vijnë në plazhet e bregdetit shqiptar.
Kjo situatë u krijua nga acarimi i marrëdhëneve ndërmjet Rusisë dhe Turqisë pas rrëzimit të avionit rus që shkeli hapësirën territorial turke. /tesheshi.com/
