Kryeministri Rama nuk e ka përmendur shëndetësinë falas teksa ka folur sërish për këtë sektor delikat, reformimin e të cilit e ka quajtur mjaft kompleks.
“Reforma në shëndetësi është komplekse”, tha shefi i qeverisë shqiptare gjatë inspektimit në Durrës të projektit “Receta Elektronike”.
Por ai tha se do bëhet e pamundurra që hap pas hapi njerëzit ta ndjejnë ndryshimin. Pra në shërbimin shëndetësor.
Rama tha se në të kaluarën nuk është bërë asgjë për të reformuar shëndetësinë, duke theksuar se qeveritë e mëparshme kanë punuar me moton “Më mirë një vezë sot, sesa një pulë mot”.
“Shëndetësia sot do të ishte në një situatë krejt tjetër nëse do të ishin ndërmarrë reformat”, shtoi Rama. /tesheshi.com/
