Që Rama e ka kapur paksa keq me grekët që prej ardhjes në pushtet, e tregon këtë dhe kjo foto e bërë gjatë vizitës më të fundit të kreut të diplomacisë së Athinës në Tiranë.
Gjatë një pritjeje në kryeministri, sipër kokës së Kotziasit dhe shefit të qeverisë shqiptare, sigurisht me ide të këtij të fundit, është vënë një hartë e madhe e Greqisë, por që e kufizuar tek Çamëria.
Një ditë më parë, kreu i PDIU-së, Shpëtim Idrizi, vlerësoi me superlativa qëndrimin, kurajoz sipas tij, të qeverisë shqiptare karshi çështjes çame me rastin e vizitës së Kotziasit.
Kjo parti është afruar së fundi me Ramën pas daljes si pa u ndjerë nga koalicioni opozitar, duke bërë që kreministri socialist të largohet sa më shumë aleatit tradicional, Dules së PBDNJ-së, me të cilin po përjeton një dimër raportesh ç’prej kur ka ardhur në pushtet. /tesheshi.com/
