Nuk kishte si të ndodhte ndryshe. Edi Rama luan me simbolet në çdo aksion politik. Dhe normalisht e bëri këtë edhe në “qershinë mbi tortë” të aksionit të tij 4-vjeçar, Sheshin “Skënderbej” që e ka kthyer në pedonale.
Sot në ditën ku janë shtruar pllakat e këtij sheshu, Rama e ka nisur me një simbol, e ka inaguruar me një pllakë guri nga Tropoja. Pra nga vendlindja e rivalit të tij të ashpër, Sali Berishës, i cili këto vite edhe pse e ka pasur vështirësi për të shkuar, e ka rinovuar dhe bërë të re kullën e Viçidolit.
Me një gurë olivinit Rama ka hapur punën ku do të shtrohet sheshi me pllaka që përfaqësojnë gjithë Shqipërinë. Erion Veliaj, kryetari i Bashkisë së Tiranës dhe natyrisht njeriu që shihet si alteregoja e Ramës në PS, ka shtruar grupin e dytë: një konglomerat nga Vlora, vendi ku Kryeministri është zgjedhur deputet dhe ku do të kandidojë sërish, edhe pse do të përballet me ish-mikun, tani “armik”, Koço Kokëdhima. /tesheshi.com/
