Kryeministri Rama e cilësoi raportin e Dick Marty-t, hetuesit zviceran të UÇK-së, si Fake News-in më të tmerrshëm të dalë nga një institucion europian.
Duke folur para Këshillit të Evropës, për t’i kërkuar shpalljen e pabazë të akuzave për trafikim të paligjshëm të organeve njerëzore gjatë luftës së Kosovës, Rama tha se pasojat e atij raporti fantazëm kanë çuar krerët e UÇK-së në Hagë, krejt padrejtësisht.
“Unë jam këtu sot jo sepse ne nuk e dinim që ky është lajmi më i tmerrshëm i shpërndare ndonjëherë, i shpërndarë këtë herë nga Këshilli i Evropës por pritëm me durim për të parë akuzën zyrtare.
Janë pretendimet tërësisht të pavërtetuara të një ish kryeprokurore në kërkim të shitjeve të mëdha të librit të saj çoi në një mocion e më pas në një raport që më pas i shndërrua në një rezolutë të kësaj Asambleje Parlamentare që çoi më pas në krijimin e Prokurorisë Speciale që kërkon të dënojë drejtuesit e Ushtrisë Çlirimtare”, tha Rama.
Ai nuk kurseu as ish-Prokuoren Carla del Ponte, njëherësh duke fshiklluar rëndë ndërkombërtarët për akuzat që rëndojnë sot mbi UÇK-në.
“Të njëjtat institucione ndërkombëtare që i dhanë Kosovën të drejtën e lirisë, minuan vetë veprimet e tyre, vetë parimet e tyre dhe jo vetëm përfunduan duke vënë në pikëpyetje integritetin e luftës së lirisë së Kosovës, por përmes veprimeve të tyre hamendësuan se kurrë nuk kishte pasur një të tillë. Këtu janë faktet.
Më pak se një dekadë pas ndërhyrjes së NATO-s, Carla Del Ponte, ish-kryeprokurore, botoi një libër kujtimesh ku pretendonte se krime të tmerrshme ishin kryer nga drejtuesit e UçK, përfshi edhe trafikimin e organeve njerëzore. Libri natyrshëm shkaktoi valë tronditjeje në mbarë botën dhe kjo akuzë zuri faqet e para nga Europa në Australi, pavarësisht faktit se akuzat u mohuan kategorikisht në Kosovë. Pyetja më misterioze ishte: çfarë e ndaloi një prokurore të pushtetshme për të hetuar më tej?”.
Rama hodhi dhe një paralele mes Kosovës dhe Ukrainës, duke iu rikujtuar europianëve atë që bëri Millosheviçi.
“Kosova dhe Ukraina janë dy kombe që duan të jetojnë të lirë, të ndjekur nga demonë të së shkuarës. Dhe ka dy tiranë të dështuar, një i vdekur dhe një që luan me vdekjen.
Unë dua të përqendrohem te kapitulli i fundit, konflikti humanitar në Kosovë. Dekada represioni. Një aksion i qëllimtë barbar i kryer nga Sllobodan Millosheviçi. Rreth 20 mijë gra u përdhunuan. Këto janë të dhëna zyrtare nga ndërkombëtare. Ndërkohë mijëra janë të zhdukur, të gjallët kërkojnë njerëzit e tyre, të vdekurit ende nuk e kanë gjetur paqen e varrit. Britma e dëshpërimit të Kosovës nuk mund të shpërfillej më dhe bota demokratike u vë në lëvizje e vendosur. Ndërhyrja e parë ushtarake e NATO-s njohu luftën e UÇK që solli pavarësinë pak më pas. Drejtësia u vendos”, arsyetoi i pari i qeverisë shqiptare. /tesheshi.com/
