Ish-drejtoresha e parë e Tatimeve ka gjetur përsëri një vend pëllumbash në administratë, sërish drejtoreshë, po kësaj herë në një institucion që nuk e tërheq fort vëmendjen e mediave.
Ajo është emëruar nga Ministria e Ekonomisë Milva Ekonomi në detyrën e drejtoreshës së Agjensisë për Zhvillimin e Investimeve (AIDA). Këtë detyrë e mbante Genti Beqiri, i cili ka dhënë dorëheqjen nga detyra para emërimit të një prej figurave më të debatuara të Rilindjes.
Shehaj ishte drejtoresha e parë Tatimeve, një institucion me rëndësi, që u emërua nga kryeministri Rama pas ardhjes në pushtet më 2013-ën. Por shpejt ajo zuri lajmet kryesore në media, kryesisht për disa gafa gjatë konferencave për shtyp.
Pasi u largua nga Tatimet, në shtator 2016, ajo u emërua po nga Rama në detyrën e zv/ministres së Ekonomisë. Po iu deshën vetëm dy muaj në këtë detyrë që të jepte dorëheqjen, akt që media e argumentoi me mosmarrëveshjet e saj me ministren Ekonomi.
Aktualisht Shehaj ishte e papunë, por prej sot ajo do të drejtojë agjensinë e investimeve të huaja të cilat zënë 9% të PBB./Tesheshi.com
