Ka qenë një “fundjavë ndryshe” ajo shefit të qeverisë shqiptare sa i takon fjalimit javor në FB, të cilin e shpërndan çdo të dielë në buzëmbrëmje. Më me bluzën që mban logon “Për Shqipërinë që Duam”, Rama zgjodhi t’u drejtohet emigrantëve kësaj here.
“Komunikimet e këtyre javëve do t’i bëj direkt nga vendndodhjet e mia në rrugëtimin drejt fitores së 25 qershorit. Përshëndetje nga Elbasani! Sot dua t’u drejtohem të gjithë miqve të këtij rrjeti që janë në emigracion, atyre qe e kanë të pamundur të hedhin votën këtu për PS-në në ditën që ndan përfundimisht të ardhmen me shtet punë mirëqenie nga e shkuara pa shtet, pa rregulla, pa drejtësi. Kjo është hera e fundit besoj që ju nuk mund të votoni direkt nga ku ndodheni sepse ne kemi nisur punën kolosale për të tregjistruar shqiptarët jashtë atdheut, që për çerek shekulli nuk i numëroi kush.
E di që ka nga ju që na kanë votuar në 2013 dhe thonë duhet të ishte bërë edhe kjo, edhe kjo po edhe kjo tjetra. Kemi bërë gjithçka kemi mundur, e di që mbetet edhe shumë për të bërë, por ama ju kemi dhënë provën se dimë të bëjmë shtet. Mos harroni që në 44 muaj nuk mund të bëhej çka nuk u bë në çerek shekulli. Nuk dua të justifikohemi para jush për asgjë skemi bërë dot, por dua t’ju siguroj se do të bëjmë të gjitha ato që duhen nëse na mbështesni duke na mbështesuar me votën tuaj mua dhe PS duke pasur më shumë pushtet, jo për veten por duke bërë më shumë për Shqipërinë që duam të gjithë”, tha kryeministri Rama. /tesheshi.com/
