Në një dalje për mediat, kryeministri Rama komentoi shkurt pamjet e morgut të servirur nga opozita, duke thënë “arrijnë të përdorin edhe të vdekurit edhe vdekjen, për një nevojë të një lufte të dëshpëruar për pushtet. Është e turpshme që ne të diskutojmë ne këtu. Nuk ka si ndodh. E pamundur. Diagnozat i bëjnë mjekët”, tha Rama.
Ndërsa duke komentuar situatën e rënduar epidemike COVID, shefi i qeverisë apeloi për zbatim masash, duke thënë se çdokush ka në dorë shumëçka.
“Të jemi sa më të vetëdijshëm që kemi në dorë të gjithë. Patjetër së bashku si komunitet si bashkësi të shmangim kalimin e spitaleve në mbingarkesë që do ta bënte tejet të vështirë trajtimin normal në vazhdimësi të atyre që janë në nevojë, apo mbylljen e përgjithshme.
Është e domosdoshme që secili prej nesh të vetëdijsohet që ka një rol për të ruajtur; për të mbrojtur shëndetin e vet dhe të familjes së vet.
Duke bërë këtë jep një kontribut të jashtëzakonshëm i çdo individi. Për të ndihmuar luftën e përditshme dhe të përnatshme në vijën e zjarrit ku trajtohen pacientët me COVID me simptoma të rënda. Por edhe për të shmangur një mbyllje që do kishte pasoja të padëshirueshme në çdo familje dhe në familjen e përbashkët ekonomike,” tha Rama. /tesheshi.com/
