Kryeministri Rama dha garancinë se në janar nis vaksinimi anti-COVID në Shqipëri, e njëherësh fshikulloi BE-në për qasjen e saj jo solidare me rajonin për të njëjtën sfide.
Siç informon kreu i qeverisë, e para vaksinë e mbërritur në vend do jetë ajo e Pfizerit.
Në kushtet skajshmërisht të vështira si pasojë e kërkesës globale marramendëse dhe sasisë ende tejet të vogël të prodhimit, kemi dakordësuar në parim pas kontaktesh intensive nga të katër anët, tekstin e marrëveshjes me Pfizer për të nisur vaksinimin në janar!
I papranueshëm moralisht, polikisht, logjikisht diferencimi që BE-ja i bëri Ballkanit po ia dolëm sidoqoftë me diplomaci e me këmbëngulje të mos mbetemi mbrapa askujt.Dhe nuk do të ndalemi deri në sigurimin e dozës së fundit.
Fjalët mbrapsht atyre që vazhduan me sharje e akuza!”, shkruan Rama.
Kujtojmë se pak javë më parë, i pari i qeverisë qe në SHBA, ku pati një takim me CEO-n e Pfizerit, pas së cilit garantoi sigurimin e kësaj vaksine. Por ditë më vonë foli dhe për negociata me Moderna-n apo AstraZeneca-n. /tesheshi.com/
