Kryeministri Rama publikoi foto nga ambientet e brendshme të terminalitë të areoportit të Kukësit, ku potencoi faktin se udhëtarët e parë që do ulen aty, me “Migjenin” e Air Albania-s, do jenë përqeshësit ndaj tij në FB.
“Disa pamje nga projekti i Terminalit të Aeroportit Ndërkombëtar të Kukësit, ku vijon intensivisht puna me objektivin që vitin e ardhshëm të ulim ‘Migjenin’ me grupin e parë të pasagjerëve, të cilët do të përzgjidhen mes atyre miqve të kësaj faqeje, të cilët e kanë përqeshur më shumë këtë projekt dhe s’më kanë lënë gjë pa thënë nga Londra”, shkroi shefi i qeverisë.
Kujtojmë se areoporti i Kukësit u ndërtua pas viteve ‘2000 me një financim arab, gjatë qeverisjes së Nanos, por kurrë s’u vu në punë ndër vite.
Qeveria “Rama” ka vendosur të investojë në një terminal modern dhe ta bëjë aktiv në tregun e fluturimeve. /tesheshi.com/
