Nuk ka preferuar që ta përmendë me emër Greqinë, kryeministri Edi Rama gjatë një pritjeje për trupin diplomatik në kuadër të fundivitit, duke e quajtur thjesht fqinj, në disa fraza që lanë të nënkuptuar se e kishte me helen, teksa deklaroi vijën politike “zero probleme me fqinjët”, duke deklaruar se ajo që e bashkon Shqipërinë me to është më tepër se ajo që e ndan.
“Ne kemi ndjekur një politike të jashtme dhe dinamike që mbron interesin kombëtare, në përputhje me përgjegjësitë tona, por në çdo moment në frymën europianiste që karakterizon forcat tona politike si përfaqësim i një populli që në këtë rajon ka qenë i angazhuar dhe mbështetës për stabilitetin bazuar mbi vlerat dhe parimet e Europës ku duam të bëjmë pjesë me të drejta të plota.
Kemi punuar dhe do punojmë që marrëdhëniet tona me fqinjët të karakterizohen nga dialogu dhe me dëshirën që të ndërtojmë mbi gjthçka na bashkon duke pasur vetëdijen se çka na bashkon është shumë më e madhe sesa çka hera herës na ndan dhe për këtë që na ndan nuk do hezitojmë të ngrejmë shqetësimet tona por gjithnjë me dëshirën që të kemi zero probleme me fqinjët.
Ne duam zero problemet me fqinjët kur edhe gabimishti duket sikur krijojmë probleme. Por ne duam zerimin e tyre dhe jemi të bindur se kjo është plotësisht e bindur. Është e rëndësishme që atmosfera e paqesh dhe e ndërvepeimit në këtë rajon ku deri dje ishin konfliktet të intensifikohen në funksion të një dakordësie me njëri-tjetrin”, theksoi Rama. /tesheshi.com/
