Kryeministri Edi Rama ka hapur diskutimin në Nivelin e Hapur mes përfaqësuesve të shteteve anëtare në Këshillin e Sigurimit nga selia e OKB-së në New York, duke qenë ai, në emër të Shqipërisë, drejtues i seancës.
Dhe në këtë pozitë të lakmuar për çdo shtet e kryeqeveritar, Rama ka provuar të hahet në forcë fjale me një diplomat, pikërisht ambasadorin e Rusisë në Kombet e Bashkuara, Vasily Nebenzy.
Ky i fundit u shpreh i indinjuar nga prania e liderit të Ukrainës, Volodymyr Zelensky, i cili morri dhe fjalën. Rama iu përgjigj në stilin e tij, duke thënë se mjaft t’i jepet fund luftës në Ukrainë që Zelensky të mos flasë.
Vasily Nebenzya: Kemi dy pyetje: Mbi ç’bazë propozoni t’i jepni Presidentit të Ukrainës fjalën para përfaqësuesve të Këshillit të Sigurimit, dhe në ç’bazë ftoni ministrin e jashtëm të RMV-së në cilësinë e kryetarit të OSBE-së?
Nëse sot ju miratoni vendime duke i rënë cekiçit do të përballeni me një taktikë të shkeljes. Këtu është bërë një shkelje. Kjo shkelje është e mbushur me rreziqe. Kjo e sotmja do të jetë një spektakël. Presidenca shqiptare ka treguar mosspërfillje dhe ka përdorur ideologji. Për fat të keq nuk e ka mundur ta menaxhojë këtë takim.
Rama: Më duhet të them se duke ardhur nga ju gjithë ky leksion për shkelje është një goditje mbresëlënese. Ka një zgjidhje: ju ndaloni luftën dhe Zelensky nuk flet. Vazhduat të thoni gjëra të pasakta. Nese nuk doni që të përgjigjem në cilësinë e kryeministrit shqiptar, mos më provokoni.
Delegacioni rus: Zoti kryetar, ku drejtohem vetëm si kryetar i Këshillit të Sigurimit në asnjë moment nuk ju drejtova si kryeministër i Shqipërisë, jemi të angazhuar në një dialog proceduror me ju, jo në një dialog thelbësor, ju lutem përmbahuni nga deklaratat politike në deklaratat fillestare për Këshillin.
Rama: Ishit ju që folët për NATO-n, për faktin që Shqipëria është në NATO. Kjo nuk ka të bëjë fare me rolin tim si kryetar i Këshillit.
