Humori dhe batutat e liderëve me popullin e thjeshtë janë tipar i kësaj fushate elektorale si asnjëherë më parë.
Gjatë një vizite në fshatin Nivicë të Tepelenës kryeministri Rama ka krijuar një situatë humori me kreun e degës së PD-së në këtë zonë, i cili i ka premtuar votat e gjithë komunitetit si shpërblim për punët publike të kryera nga qeverisja e Ramës.
Duke kujtuar se kundërshtari i tij, Lulzim Basha, është dhëndërr në Nivicë, Rama ka ngritur dy gishtat lart, simbol i PD-së, dhe u ka kërkuar votën demokratëve të zonës.
“Votën njeriut të punës, atë tjetrin mbajeni në zemër” – u është drejtuar ai banorëve duke qeshur. /tesheshi.com/
