Kreu i Partisë Socialiste, Edi Rama ka falenderuar njerëzit më të rëndësishëm të kësaj partie në kongresin e PS, duke nisur nga Gramoz Rucci, e deri tek ish lideri historik i PS-së, Fatos Nano.
“Uroj që të gjej fjalët e duhura deri në ditën e 25-vjetorit të PS-së për ta falenderuar për atë që ka bërë për Partinë Socialiste”, tha Rama.
Ai vijoi me një perifrazim të shkurtër për pritshmëritë e “grupit Blushi”.
“Ka një pakicë shumë të vogël këtu, që nga ky Kongres pret të gjejë sesi do t’i bëhet hallit statutor të mandatit tim dhe sipas tyre, unë këtu sot jam i pamandatuar”, tha Rama, duke shtuar se kjo do të diskutohet më gjerë në pjesën e tretë të Kongresit.
Kryeministri foli edhe për kundërshtarët jashtë partisë dhe pritshmëritë e tyre për rezultatet e këtij Kongresi, duke ironizuar me “gotën e ujit”. /tesheshi.com/
