Rama dhe Erdogan inaguruan rikonstruksionin e plotë të xhamisë së Et’hem Beut në qendër të Tiranës, mundësuar nga TIKA në më shumë se dy vjet.
Për Ramën, kjo xhami tashmë është një xhevahir me shkëlqimin e rikthyer, siç pritet të jetë dhe ajo e Plumbit në Shkodër.
“Për për ta rilindur këtë aspekt të trashëgimisë kulturore ne e kemi gjetur te Erdogan një partner të pazëvendësueshëm.
Falë kujdesit të tij të drejtpërdrejtë falë angazhimit të agjencisë turke TIKA, falë bashkëpunimit me historianët, inxhinierët turq dhe ata shqiptarë, ne sot kemi disa nga xhevahiret më të çmuara të trashëgimisë tonë kulturore që i përkasin fees islame.
Së shpejti, falë marrëveshjes të nënshkruar dhe punës që po bëhet, do të fillojë edhe puna për rilindjen e xhamisë së Plumbit në Shkodër, një nga perlat e trashëgimisë kulturore, ndërkohë me mbështetjen e Ergodan dhe agjencisë TIKA do të vijimë punën edhe me ndihmën e vyer të ministrit të turizmit dhe kulturës për të vazhduar përpjekjen për rilindjen e bukur të Gjirokastrës, Beratit dhe të Shkodrës”, tha Rama.
Erdogan pas tij, tha se “kjo vepër xhevahire në mes të Tiranës reflekton vlerat e përbashkëta kulturore të Shqipërisë dhe Turqisë”.
“Uroj dhe dëshiroj që shumë shpejt mbase deri në muajin e Ramazanit ta kemi zgjidhur edhe problemin e xhamisë së ‘Namazgjasë'”, tha Erdogan, duke e mbyllur fjalën e tij me lutjen që Zoti mos “na lërë pa xhami e minaret”. /tesheshi.com/
