Kryeministri Edi Rama u është përgjigjur akuzave sa i takon ekonomisë së vendit, duke ju referuar të dhënave nga Banka Botërore. Sipas tij, statistikat tregojnë të kundërtën e atyre që thotë opozita, gjatë fjalës së tij në Kuvend.
“Ekonomia e Shqipërisë ka vazhduar të zgjidhet nga investimet private. Rritja e përshpejtuar me 3% në 3-mujorin e 2016-ës vazhdoi me një rritje 3.2 % me tre mujorin e dytë. Defiçiti buxhetor pritet të arijë në 5.2 % në 2017. Nëse duam të flasim për ekonomi, ekonomia bazohet në fakte të verifikueshme, jo në shkelje të syrit te të varfërve. Borxhi publik pritet të bjerë në përputhje me programin e qeverisë. Shakaxhinjtë e përparimit që mendojnë se ekonomia rritet duke treguar përralla le të tregojnë përralla, ekonomia rritet duke bërë reforma siç bëmë ne. Norma e punësimit është 2.7 % me lartë se e njëjta përiudhe se një vit më pare. Sipas Bankës Botërore rezultatet më të mira në punësim shënojnë treguesit e uljes së papunësisë, si dhe rritja e pjesëmarrjes në forcën e punës. Fakti është që papunësia është ulur dhe jam shumë i kënaqur që kam Tabakun këtu se nuk e kisha kur doli niveli i korrupsionit dhe jam i bindur se as Tabaku nuk mohon dot këtë raprot të BB. Sipas BB është ulur varfëria. varfëria e moderuar vlerësohet të ketë rënë në 2015 me 46%.” , tha Rama.
Rama u është përgjigjur edhe kritikave për konçesionet në shëndetësi.
“Përrallën e konçesioneve në shëndetësi tregojeni sa të doni, nuk ju beson njeri. E vërteta është se qytetarët e provojnë dhe kjo është shumë e thjeshtë. Ata marrin shërbime cilësore dhe nuk nxjerrin para nga xhepi”, ka thënë Rama.
Kryeministri preku edhe çeshtjen e tregut të punës ku sipas ka nisur të normalizohet. “Norma e punësimit për moshat nga 15-64 vjeç u rrit 54.8 për qind. Kjo shënon uljen më të madhe të papunësisë”, ka thënë, teksa risolli në vëmendje se së shpejti do të miratohet në kuvend edhe projektligji për Statusin e Naftëtarit.
Bode-Ramës: Je arrogant, “shet” dështimet si suksese
Nga ana atjetër, deputeti demokrat, Ritvan Bode ka replikuar kryeministrin, duke thënë se qeveria ka humbur statusin e shqiptarti, duke jurferuar ikjeve nga Shqipëria.
“Do miratoni statusin e naftëtarit, por humbët statusin e shqiptarit. Ka shumë ikje masive nga Shqipëria, për shkak të situatës dëshpëruese që ka përfshirë vendin”, tha Bode.
Ai i kërkoi Ramës të ballafaqohet me votuesit për prmtimet e dhëna.
“Batuatat për ish-qeverinë mbani për veten tuaj. Jeni shumë arrogantë, thoni se thoni do merrni përgjigje nga votat. Sot në mënyrë prepotente mbani fjalor banal për qeverisjet e më parshme në Shqipëri. Rama të ballafaqohet me votuesin si në sindromën e Makbetht për të falsifikuar dështimet e qeverisë së tij, dështime që i nxjerrin si suksese”, u shpreh ish-ministri i Financave./tesheshi.com
