Në një konferencë të përbashkët për shtyp në Berlin, kryeministri Rama dhe kancelari Scholz u detyruan të flasin për “trafikun” e bluzave të bardha drejt Gjermanisë, rasti shqiptar, ndonëse fenomeni është rajonal.
Rama pranoi se Shqipëria financon shëndetësinë në Gjermani dhe shtoi se diçka duhet të bërë në këtë drejtim.
“Ne nuk mund t’i kërkojmë Gjermanisë dhe asnjë vendi të BE-së që të ndalojë lëvizjen e lirë të kapitalit njerëzor dhe të ndalojë lëvizjen e lirë të atyre që nga Shqipëria duan të provojnë jetën në profesionin e tyre.
Kemi diskutuar me Kancelarin se si duhet të gjejmë mënyra që faktikisht Shqipëria të mos jetë financuesi i drejtpërdrejtë i sistemit shëndetësor gjerman.
I kam shpjeguar Kancelarit që studentët tanë të mjekësisë paguajnë 1/16 të kostos, ndërkohë që pjesën tjetër e paguan Qeveria.
Është shumë e rëndësishme që të gjejmë një rrugë, që të jetë një rrugë europiane për të balancuar atë që Shqipëria humbet në këtë fazë kaq të rëndësishme”, tha Rama ndër të tjera.
Ndërsa për Scholz, kjo është një sfidë e madhe.
“Ne folëm për këtë çështje. Është një sfidë e madhe. Lëvizja e lirë është arritje e madhe e BE-së. U ka dhënë ndjesinë qytetarëve që nuk mund të udhëtosh vetëm si turist. Me këtë liri sot janë lidhur edhe shumë sfida.
Është shumë e rëndësishme që vendi ynë ndihet përgjegjës që nevojën e madhe për vende pune të mos e mbulojë vetëm nga vendet e BE-së, por edhe jashtë saj”, tha Kancelari gjerman. /tesheshi.com/
