Në sallën e Kuvendit ka kënduar për largimin e opozitës, por jashtë saj ka akuzuar gazetarët se s’dinë të bëjnë punën e tyre.
Këto ishin dy qëndrimet e Kryeministrit Edi Rama pas votimit, i cili mbajti larg prangave mikun dhe ish-ministrin e tij të besuar, Saimir Tahiri.
Pas mbarimit të fjalës së kreut të PD-së, Lulzim Basha, deputetët demokratë kanë lënë sallën e Kuvendit, kur u ngjit në foltore Rama. Ai e nisi fjalën me vargjet e një kënge.
“O Selman i vëllait kë të qaj më parë, ty a motrën tonë që iu zu i njëjti hall”. As kam kë të qaj përveç se t’jua them në sy diçka që ua kam thënë edhe më parë e vlen të përsëritet kush i bën shqiptarët për budallenj në fund e ha. Mos vazhdoni t’i bëni shqiptarët për budallenj se keq më keq do shkoni e keq e më keq do paguani”, – ka thënë Rama.
Por kur ka dalë nga salla Rama ka sulmuar sot gazetarët duke i thënë se ata nuk lexojnë dhe as dëgjojnë.
Jashtë ambienteve të Kuvendit, shefi i qeverisë i tha gazetarëve se abuzojnë dhe flasin përçar.
“ Ju skeni marrë vesh akoma dhe mund të qeshni por e vërteta është që jeni pjesë e këtij problemi të madhe ku akuzat kërcasin dhe ju u përçoni si një tel bakri që as ka detyrën të logjikojë dhe as ka përgjegjësinë për atë që përçon. Sot jemi këtu jo për të mbrojtur një deputet, por kushtetutën ligjin dhe drejtësinë. Cili prej jush do pranonte që pronari ta çonte në burg me idenë që mbase dikush nga ju ka vjedhur ndonjë mikrofon dhe e ka çuar në shtëpi. Për fatkeqësinë tuaj që as lexoni dhe as nuk doni të dëgjoni. Nuk keni marrë vesh që imuniteti i deputetit ka rënë prej kohësh, nuk jemi në një situatë ku diskutojmë tja heqim apo lëmë imunitetin, e keni marrë vesh? Jo! Së dyti, e mund të qeshni sa të doni, jeni pjesë e këtij problemi të madh në tërësinë që ka Shqipëria ku ku përconi akuzat, po pasur as përgjegjesi për atë që përçon. S’keni si ta kuptoni ju që as lexoni, as përpiqeni të thelloheni, as doni të dëgjoni për të kuptuar për çfarë bëhet fjalë. Po të ishte siç thoni ju cili është roli që e përfshin Kuvendin? Çfarë është Kuvendi, një studio noteri që vjen të vulosësh një certifikatë? Çfarë është komisioni i mandateve, një tufë hunjsh që janë aty për tu tundur sipas muzikës që ofron prokuroria? Ata kokat e mëdha që tundin dynjanë në klubin e katundit mediatik: po mirë mo pse ça ka, të shkojë njëherë në burg dhe pastaj flasim rrugës.”- tha kreu i qeverisë.
Nuk është hera e parë që ai sulmon median, të cilën e ka pagëzuar me epitetin “kazan”. /tesheshi.com/
https://www.facebook.com/edirama.al/videos/10155253348631523/
