Kryeministri Rama e Presidenti Meta e gjendën afër njëri- tjetrit në Vlorë, në një ceremoni në nder të 100-vjetorit të Luftës së Vlorës.
Në fjalimet e tyre korteziale, u lexuan mes rrështash dhe mesazhet e betejës mes tyre, sidomos nga Meta, i cili potencoi tezën e “popullit që vendos”.
“Lufta e Vlorës dëshmoi se ky vend ka zot, dhe zot i këtij vendi është vetë populli.
Kur populli i merr në dorë fatet e veta, ato janë të sigurta.
Zot i këtij është vetëm populli shqiptar dhe se fati i këtij vendi i përket vetëm këtij populli”, ishin frazat e Metës, shprehje e obsesionit të tij politik karshi Ramës.
Ndërsa ky i fundit potencoi rolin amerikan dhe atëherë, atë kohë, në atë luftë.
“Amerikanët nuk u mjaftuan në atë kohë vetëm me një mbështetje diplomatike, por amerikanët e mbështetën atë që ndodhën edhe përmes shtypit të lirë. Qoftë në Washington Post gjenden artikuj që flasin me admirim të madh për Shqipërinë dhe kontributin e tyre”, tha Rama. /tesheshi.com/
.
