Mimi Kodheli nuk do të jetë më në postin e ministres së Mbrojtjes, madje nuk është pjesë e qeverisë “Rama2”.
Por në përmbyllje të detyrës, Kodheli ka marrë një letër falënderimi nga ambasadori i SHBA në Shqipëri, Donald Lu.
“Ne emër të kolegëve në Ëashington dhe Ambasadës Amerikane në Tiranë më lejoni t’ju përgëzoj për punën Τuaj të jashtëzakonshme gjatë katër viteve të drejtimit të Ministrisë së Mbrojtjes si një Aleat i ngushtë NATO.
Nën lidershipin Tuaj ne kemi përparuar në bashkëpunimin tonë ushtarak përmes mbështetjes që i kemi dhënë lidershipit të NATO-s në Evropë dhe Afganistan dhe kemi çuar përpara objektivat tona të përbashkëta për rritjen e shpenzimeve të mbrojtjes për të gjithë Aleancën.
Ka qenë kënaqësi të punuarit me ju gjatë detyrës suaj si ministër i Mbrojtjes dhe shpresojmë që në të ardhmen të kemi dhe bashkëpunime të tjera.
Ne vlerësojmë çfarë Ju keni bërë për Forcat e Armatosura të Republikës së Shqipërisë, por gjithashtu për marrëdhëniet Shqipëri-SHBA”, shkruan ambasadori Donald Lu.
Ndërsa Kodheli shprehet se “kënaqësia ka qenë e gjitha e imja që i kam shërbyer vendit dhe kam punuar me miq dhe aleatë kaq të mrekullueshëm”.
Ministrja e re e Mbrojtjes do të jetë Olta Xhaçka, ndërsa Kodheli pritet të marrë një tjetër funksion, ndoshta duke drejtuar një prej komisioneve parlamentare në Kuvendin e Shqipërisë. /tesheshi.com/
