Pas nënshkrimit të një sërë marrëveshjeve, gjithsej 19-të, Kurti e Rama përcollën para mediave në Prishtinë, pas pas mbledhjes së radhës së dy qeverive, frymën “vëllëzërore” mes tyre, duke hedhur poshtë çdo aludim për fërkime.
Këtë fjalë, “vëllzëri”, ishte vetë Kurti që e potencoi me të madhe.
“Së pari, duhet të theksojmë se arritëm 19 marrëveshje protokolle dhe memorandume sdhe kjo është për t’u përshëndetur. Marrëdhënie tona bilaterale janë të shkëlqyeshme dhe vëllazërore dhe vëllezërit nuk kanë ndërmjetësues midis njëri-tjetrit. Janë marrëveshje që të forcojmë të dy shtetet tona. Për çështjen e Ballkanit të Hapur është e një dimensioni tjetër, nuk kam asgjë të re t’u them”, tha i pari i qeverisë së Kosovës, për t’u pasuar me të njëjtin argument nga homologu i tij i Tiranës.
“Ballkani i hapur nuk na ndan. Në këtë pikë kemi këndvështrime të ndryshme, por nuk na pengojmë që në marrëdhëniet bilaterale ne të vazhdojmë të ecim para. Porosia ime për qeverinë që drejtoj është se çdo që gjë ne jetësojmë në Ballkanin e Hapur duhet të jetësojmë dhe me Kosovën”, arsyetoi i pari i qeverisë së Tiranës.
“Kam dhe një lajm për ata që kërkojnë të gjejnë arsye që bëjnë komente mbi mosmarrëveshje dhe mungesë të ecurisë së duhur të punës mes dy qeverive”, vijoi Rama, duke theksuar: “Me qeverinë aktuale kemi shkallën më të lartë të nënshkrimit të marrëveshjeve të nënshkruara përfshirë dhe ato të kaluara. Shpresoj të konsiderohet fakt dhe jo për spekulim se jam i painteresuar të përfshihem në jetën politike të Kosovës”.
Rama ofroi dhe një bilanc ekonomik në shifra: “Volumi tregtar mes Shqipërisë dhe Kosovës ka qenë 136 milionë euro, volum qesharak. Sot jemi në 433 milionë euro që nuk është ende volumi që kemi ambicien të arrijmë, [asi e kemi deklaruar që duam më shumë se 1 miliard, por nuk mund ta quash më të papërfillshëm. Nuk është një shifër me pak domethënie, por rezultat i mundit, i djersës, ambicies së sipërmarrësve shqiptarë dhe i nxitjeve që kemi mundur të krijojmë”, tha Rama. /tesheshi.com/
