Niko Peleshi do të jetë ministri i ri i Bujqësisë në qeverinë “Rama2”. Vendimi u bë publik nga kryeministri Edi Rama në mbledhjen e djeshme të Asamblesë së PS-së.
Peleshi është një nga bashkëpunëtorët e afërt të kryeministrit dhe gjatë mandatit të parë qeverisës mbajti postin e zv.kryeministrit, deri ditën që Rama dhe Basha arritën marrëveshjen politike, që i hapi rrugën përfaqësimit të opozitës me ministra në kabinet.
Përmes një komenti në rrjetet sociale, Peleshi ka reaguar në lidhje me detyrën e re, duke e cilësuar atë si një sfidë. “Sfidë e re, dimension i ri, agroenergji, ftesë e hapur për këdo që beson njëlloj si unë te potenciali i fshatit dhe partneriteti urban-rural. O sot, o kurrë”, shkruan Peleshi në rrjetet sociale. /tesheshi.com/
